असोज २६। त्रिभुवन आर्मी क्लबले मोफसलको टोली लुम्बिनी फुटबल क्लबलाई पराजित गर्दै राष्ट्रिय लिग फुटबलको शीर्ष स्थानमा उक्लिएको छ ।
सातदोबाटोस्थित एन्फा कम्प्लेक्समा सोमबार भएको खेलमा लुम्बिनीलाई ५–० गोलअन्तरले पराजित गर्दै आर्मीले उपाधि होडलार्इ थप बलियो बनाएको छ ।
१५ खेल खेलेको आर्मीले ३० अंक जोडेपछि लिगको शीर्ष स्थान छ । थ्रीस्टार २९ अङ्कका साथ लिगको दोस्रो स्थानमा छ भने २८ अङ्क जोडेको मनाङ मस्र्याङ्दी क्लब तेस्रो स्थानमा छ । दुवै टोलीले समान १४/१४ खेल खेलेका छन् ।
खेलमा आर्मीले चौथो मिनेटमा नै भरत खवासको गोलबाट अग्रता लिएको थियो । उनले नवयुग श्रेष्ठको पासमा गोल गरेका थिए । आर्मीले खेलको दोस्रो हाफमा चार गोल थप्यो । खेलको दोस्रो हाफमा टंक बस्नेत र नवयुग श्रेष्ठले समान २/२ गोल गरे । बस्नेतले खेलको ६३ औँ मिनेटमा दीप लामाको पासलाई सदुपयोग गर्दै गोल गरे । त्यस्तै श्रेष्ठले भने खेलको ७५ र ७८ औँ मिनेटमा दुई गोल थपे ।
त्यसैगरी श्रेष्ठले गोल गरेको पाँच मिनेट पनि बित्न नपाउँदै बस्नेतले एक गोल गरे । उनले खेलको ८३ औँ मिनेटमा एक गोल थपेपछि आर्मीले लुम्बिनीमाथि ५–० को सहज जित हात पारेक छ । आर्मीका भरत म्यान अफ द म्याच बने ।
from SHYANE http://ift.tt/1k0a0aW
via समाचार
0 Reviews:
Post Your Review