मड्रिडलाई हराउँदै बार्यनले जित्यो अडी कप

बार्यन म्युनिखले रियल मड्रिडलाई पराजित गर्दै प्रि सिजन प्रतियोगिता अडी कपको उपाधि जितेको छ ।

बार्सिलोनाका पूर्व प्रशिक्षकको बार्यनले रियल मड्रिडलाई १–० ले पराजित गरेको हो । झण्डै ७० हजार दर्शकमाझ भएको खेलमा बार्यन म्युनिखका लागि ८७ औं मिनेटमा रोबर्ट लेभान्डोस्कीले गोल गरे ।

रियल मड्रिडका स्टार क्रिष्टियानो रोनाल्डो चोटका कारण खेलेनन् भने प्रशिक्षक राफेल बेनिटेजले ग्यारेथ बेललाई बेन्चमा राखेका थिए ।